نسّم عطرَكْ عَالشباك
حامل عَ جناحو هواك

فرفح قلبي من جوّة
وزهّر برعم بورودي

تنادي بلهفي ياعمري
بعدك محتار بأمري
وبخوفي الي مالو حدود
وتبعت مرسالك: عودي

بعلمي نسياني اسمك
وما رح أدخل عَ كرمك
لو عبّيت سلال التين
من الباكورة المعهودي

بس تفاجأت بحالي
وشفتك عَ قلبي غالي
تسلسل قدامي الماضي
وهدّم حصني وسدودي

حبك بقلبي ولعان
شاغل فكري من زمان
ناطر توميلو بهمسي
وبقلك : انا موجودي

قلبي من بعدك مجروح
شباكي بعدو مفتوح
حاج تلملم أشواقك
قلبي ناطر عَ حدودي

زقزق عصفورك حدي
وقلي ياحلوي ردي
حبيبك باعت بيقول:
محبوبك ناطر: جودي

المصدر: جولييت بدر

أضف تعليق

فقط الأعضاء المسجلين هم يستطيعوا اضافة تعليقات.
قم بتسجيل الدخول أوالتسجيل بالموقع.